काठमाडौंको दक्षिण भेगमा आयोजित फुटवल प्रतियोगितामा भगवानस्थान युवा क्लब बिजयी भएको छ। बडादशैंको उपलक्ष्यमा कीर्तिपुरको गाम्चास्थित भगवानस्थान युवा क्लबले आयोजना गरेको तेस्रो क्लस्तरिय फुटवल प्रतियोगितामा आयोजक टिमले कीर्तिपुरकै फ्युचरस्टार क्लवलाई फाइनलमा पराजित गर्दै प्रथम पुरस्कार खसी जितेको हो।
निर्धारित समयमा दुबै टिमले तीन तीन गोल गरेपछि टाईब्रेकरमा भगवास्थान युवा क्लबले ५, ४ को अन्तरले जितेको हो। प्रथम र दोश्रो टिमलाई खेल संयोजक सुनील बस्नेतले पुरस्कार वितरण गरेका थिए। उक्त खेलमा सर्वाधिक गोलकर्ता भगवानस्थानका अमित बस्नेतले ह्याट्रिक गरेका थिए। खेलअबधिभरमा बस्नेतले ७ गोल गरेका थिए। दशैंको घटस्थापनादेखि नकआउट चरणमा भएको खेलमा काठमाडौंको दक्षिणी भेग थानकोटदेखि छापसम्मका १८ क्लबले भाग लिएका थिए।
