कांग्रेस महामन्त्री डा. शशांक कोइराला दसैं तिहारको शुभकामना आदानप्रदान कार्यक्रममा सहभागी हुन पद्मकन्या क्याम्पस पुगेका छन्।
नेपाल विद्यार्थी संघ क्याम्पस ईकाईले आयोजना गरेको कार्यक्रममा सहभागी हुन कोइराला सोमबार त्यहाँ पुगेका हुन्। अस्पतालबाट घर फर्केपछि लामो समय सार्वजनिक कार्यक्रममा देखा नपरेका उनी सोमबार पद्मकन्या पुगेका हुन्।
पद्मकन्या क्याम्पसमा कोइरालाले विद्यार्थीसँग शुभकामना आदानप्रदान गर्दै महिला सशक्तिकरणमा जोड दिएका थिए। ‘शिक्षामा महिलालाई अगाडि बढाए मात्र देशको उन्नति सम्भव छ भनेर आमा भनिरहनुहुन्थ्यो, त्यसैले शिक्षामा महिलालाई अगाडि बढाउन जरुरी छ,’ कोइरालाले भने।
उनले पद्मकन्या क्याम्पसलाई महिलाको मात्र छुट्टै विश्वविद्यालयको रुपमा विकास गर्न सक्नुपर्ने पनि बताएका थिए।
