ब्राजिलियन फुटबल कप्तान नेइमारलाई उनका समर्थकले मैदानमा लडाएका छन्।
विश्वकप छनोट खेलको तयारीमा रहेका नेइमारलाई प्रशिक्षणको क्रममा मैदानमा आएका समर्थकले खुसी हुँदै अङ्गालो मारेका हुन्। धेरै जना समर्थकले एकैपटक नेइमारलाई घेरेपछि उनी मैदानमै लडेका थिए।
उनको सुरक्षाका लागि खटिएका गार्डले नेइमारलाई भेट्न गएका समर्थकको हुललाई रोक्न खोजेका थिए। तर पनि उनीहरूले रोक्न नसक्दा उनी मैदानमै लडेका थिए। नेइमार भने समर्थकहरुको व्यवहार देखेर हाँसिरहेका देखिन्छन्।
१५ हजार दर्शक उपस्थित थिए रंगशालमा नेइमारले अभ्यास गरिरहेका थिए। जसमध्ये केही समर्थकले मैदानमै गएर नेइमारलाई अङ्गालो मारेर लडाएपछि सुरक्षाकर्मीले उनीहरुलाई छुट्याएका थिए।
विश्व फुटबलप्रेमीमाझनै लोकप्रिय बनेका नेइमार ब्राजिल फुटबल समर्थकमाझ अझै प्रिय छन्।
