दाङ देउखुरीको राजपुरमा एक जना किशोरीको शव फेला परेको छ। राजपुर गाविस वडा नं. ९ बनकट्टी निवासी १६ वर्षीय गोमा ओलीको शव स्थानीय नेपुवा खोलामा फेला परेको चौगुवा प्रहरी चौकी राजपुरले जानकारी दिएको छ।
तीजको दिनमा बाख्रा चराउन जंगल गएकी वली साँझ अवेरसम्म घर नफर्किएपछि आफन्तले खोजी सुरू गरेका थिए। उनको शव सोमबार बिहान खोलामा डुवेको अवस्थामा फेला परेको प्रहरीले जनाएको छ।
खुला किनारमा ठूलो भीर रहेकोले उनी त्यही भिरबाट लडेर मृत्यु भएको अनुमान प्रहरीले गरेको छ। तर, आफन्तले किशोरीको मृत्युको कारणहरु अन्य पनि हुन सक्ने आशंका व्यक्त गरेको प्रहरीले बताएको छ।
