आगामी भदौ ३० देखि असोज २ सम्म भारत भ्रमणमा जान लागेको प्रधानमन्त्री प्रचण्डले मन्त्री र सरकारी उच्च पदाधिकारीहरुसँग छलफल गरेका छन्, तर एजेन्डा टूंगो लगाउन बाँकी छ ।
प्रचण्डले भारत पुगेर छलफल गर्ने एजेन्डाबारे सरोकारवाला उपप्रधानमन्त्री, मन्त्री, सचिवसहितका अधिकारीसँग आइतबार ‘ब्रिफिङ’ लिएका खबर नयाँ पत्रिकासहित अधिकांश दैनिक पत्रिकामा छापिएको छ।
प्रधानमन्त्रीलाई ब्रिफिङ गरिएको बुँदा
· माथिल्लो कर्णाली, अरूण तेस्रोसहित जलविद्युत आयोजनको अवस्था, यसमा नेपालको धारणा स्पष्ट पार्ने
· प्रर्व–पश्चिम विद्युतीय रेलमार्गको सम्भाव्यता अध्ययनसम्बन्धी विषयको कार्यान्वयन
· नौमुरे जलविद्युत योजना निर्माण वा यसको विकल्प खोज्ने प्रस्ताव
· पञ्चेश्वरको डिपिआरमा अन्तिम निर्णय
· दुई देशीय लाइन निर्माणको प्रगति
· हुलाकी सडक निर्माणको अवस्था
· भूकम्पपीडितको घर पुनर्निर्माणमा भारतीय सहयोगको कार्यान्वयन, थप सहयोग
· सीमावर्ती क्षेत्रमा भारतले बनाएको बाँधबाट सिर्जित समस्या समाधानका लागि संयुक्त टिम निर्माणसहितका विषय
· भारतको सहयोगमा बन्ने भनेको प्रहरी एकेडेमी निर्माण
