पोखराको लामाचौरमा आयोजित पाँचौ राष्ट्रिय महिला भलिबल प्रतियोगिताको उपाधि न्यू डायमण्डले हात पारेको छ। आइतबार भएको फाईनल खेलमा न्यू डायमण्डले एपिएफलाई ३०–२८, २५–१५ र २५–२० को सोझो सेटमा हराउदै पाँचौ राष्ट्रिय महिला भलिबल प्रतियोगिताको उपाधि उचालेको हो ।
अघिल्लो वर्ष पनि उपधि जीतेको न्यू डायमण्डले नगद ७५ हजार रुपैयाँ, मेडल र प्रमाणपत्र हात पारेको छ। त्यस्तै दोस्रो बनेको एपिएफले ५० हजार रुपैयाँ पायो। अर्काे खेलमा पश्चिमान्चलले आर्मीलाई २६–२४, २५–२१ र २५–१० को सोझो सेटमा हराएर तेस्रो भयो। पश्चिमान्चलले नगद २० हजार रुपैयाँ हात पार्यो। सान्त्वना पुरस्कार पाएको आर्मीले १५ हजार रुपैयाँमा चित्त वुझायो । तीन दिनसम्म चलेको प्रतियोगितामा ५ टिमले सहभागिता जनाएका थिए ।
