स्ट्राइकर सर्जियो अगुइरो चोटका कारण अर्जेन्टिनाको टिमबाट बाहिरिएका छन्। इंग्लिस प्रिमियर लिग अन्तर्गत आइतबार राति भएको वेष्ट ह्यामसँगको खेलमा अग्युरोको पिडौंलामा चोट लागेको थियो। यही चोटका कारण अग्युरो विश्वकप छनोट अन्तर्गत अर्जेन्टिनाको आउँदो खेलमा खेल्न नसक्ने भएका हुन्। २८ वर्षका अग्युरो कहिले टिममा फर्किन सक्छन् भन्ने नखुलेको अर्जेन्टिनाको फुटबल एसोसिएसनले जनाएको छ । अर्जेन्टिनाले विश्वकप छनौटमा आउँदो शुक्रबार उरुग्वे तथा भदौ २२ गते भेनेजुएलासँग खेल्ने छ ।
