रौतहटको सहरमुझवा गाविस-८ स्थित बङ्कुल प्रहरी चौकी नजिकै गण्डक नहरबाट हतियारसहित चार जनालाई प्रहरीले पक्राउ गरको छ।
पक्राउ पर्नेमा रामपुर थाप गाविस-९ का राकेशकुमार थिङ, सोही ठाउँका कमलेश पटेल, सर्वेन्द्र पटेल र राकेश पटेल रहेका छन्। प्रहरीले उनीहरुको साथबाट ९ एमएमको पेस्तोल एक थान र रिबल्भर एक थान बरामद गरेको छ।
सशस्त्र प्रहरी बेस क्याम्प सहरमझुवाबाट खटिइएको टोलीले उनीहरुलाई पक्राउ गरेको सशस्त्र प्रहरी उपरीक्षक मदन सिंह विष्टले बताए। उनीहरुले हातहतियार बेचबिखन गर्दै आएको प्रहरीको भनाइ छ। रासस
