कैलालीको अत्तरीया नगरपालिका-४ अत्तरीयामा एक व्यक्तिको आफ्नै घरको छतबाट खसेर मृत्यु भएको छ।
घरको छतबाट खसेर अत्तरीयाको रिङरोड कडायत टोलका ४१ वर्षीय भीमबहादुर कडायतको ज्यान गएको हो।
गएराति छतमा सुतेका कडायत एक्कासि बिहान ४ बजे मृत अवस्थामा फेला परेको पारिवारिक स्रोतले बताएका छन्।
कडायत कसरी र कतिबेला छतबाट खसेका हुन् भन्ने कुनै जानकारी नभएको उनीहरुले बताएका छन्।
कडायतको शब पोष्टमार्टमका लागि सेति अञ्चल अस्पताल धनगढी लगिएको छ।
