इलाका प्रहरी कार्यालय गौशालले पेस्तोलसहित एक युवकलाई पक्रेको छ।
इप्रका गौशालाबाट खटिगएको गस्ती टोलीले सुन्दरपुर–६ का ३० वर्षीय जयनाथ यादवलाई पेस्तोलसहित पक्रेको जिल्ला प्रहरी कार्यालय महोत्तरीका एसपी जनक भट्टराईले बताए।
प्रहरी टोलीले उनको घरमै खानतलासी गर्दा दाउराभित्र कपडा बेरी लुकाइराखेको कटुवा पेस्तोल बरामद भएको उनले बताए। यादवलाई अहिले प्रहरी हिरासतमा राखी अनुसन्धान थालिएको छ।
