रुपन्देहीको देवदहमा बसले मोटरसाइकललार्इ ठक्कर दिँदा एकजनाको मृत्यु भएको छ।
पूर्व–पश्चिम राजमार्ग अन्तर्गत देवदह बजार नजिकै बुधवार दिउँसो बसले मोटरसाइकललार्इ ठक्कर दिँदा मोटरसाइकल चालक देवदहका जनकलाल मगरको घटनास्थलमै मृत्यु भएको प्रहरीले जनाएको छ।
बुटवलबाट सुनावलतर्फ जाँदै गरेको लु १ ख ७४३६ नम्बरको बसले विपरीत दिशाबाट आउँदै गरेको लु १२ प ९४३८ नम्बरको मोटरसाइकललार्इ ठक्कर दिएको थियो।
ठक्कर दिने बस र चालकलाई प्रहरीले नियन्त्रणमा लिएको छ।
