दाङमा दुर्लभ वन्यजन्तु चितुवाको छालासहित तीन जना युवा पक्राउ परेका छन्। दाङको त्रिपुर नगरपालिका वडा नम्बर ३ अन्तर्गत सौडीकुला भन्ने स्थानबाट एउटा मोटरसाइकलसहित तीन जनालाई शुक्रबार राति प्रक्राउ गरिएको प्रहरीले बताएको छ।
पक्राउ पर्नेमा दाङ सौडियार गाविस वडा नम्बर ९ निवासी ४८ वर्षीय मीनबहादुर चौधरी, २४ वर्षीय सगुनलाल चौधरी र वर्षीय २३ महेन्द्र चौधरी रहेको प्रहरीले जनाएको छ। उनीले प्रयोग गरेको रा. २ प. ३९२५ नम्बरको मोटरसाइकल समेत नियन्त्रणमा लिइएको प्रहरीले जानकारी दिएको छ।
रातको समयमा शंकास्पद अवस्थामा देखेपछि पक्राउ गरिएको इलाका प्रहरी कार्र्यालय तुलसीपुरका प्रमुख कृष्ण प्रसार्इंले जानकारी दिए। इलाका प्रहरी कार्यालय तुलसीपुरबाट साधा पोशाकमा खटिएको हरि थापा र मधु केसीको विषेश टोलीले सुराकीको आधारमा उनीहरूलाई पक्राउ गरेको हो।
उनीहरूले उक्त बाघको छाला सल्यानबाट बेच्नका लागि दाङ ल्याएको वयान दिएको प्रहरीले बताएको छ। उनीहरूको बारेमा थप अनुसन्धान भइरहेको प्रहरीले बताएको छ। एक महिना अघिमात्रै नेपाल प्रहरीको मध्यपश्चिम क्षेत्रीय ब्युरोको विषेश टोलीले सल्यानबाट बाघको छालाको केही कारोबारीलाई नियन्त्रणमा लिएको थियो।
