पिपलबोट गाविस–४ की ३५ वर्षीया गीता थापाको पहिरामा पुरिएर मृत्यु भएको छ। गए राति गएको पहिराले घरमा खाना पकाउँदै गरेकी थापाको घर पुरेको थियो । उनकी ५८ वर्षीया आमा धनादेवी पनि पहिरामा पुरिएर सामान्य घाइते भएकी छन्।
दैलेखमा चार र कालीकोटको सिमानामा पाँच घर पहिराले बगाएको छ। पहिरामा परी रङ्गबहादुर विक बेपत्ता भएको र खोजी जारी रहेको जिल्ला प्रहरी कार्यालय दैलेखका प्रहरी नायब निरीक्षक वीरबहादुर ओलीले जानकारी दिए। पहिरो निरीक्षणका लागि पुग्नुभएका प्रजिअ लुकबहादुर क्षेत्रीले मृतककी आमालाई रु २५ हजार तत्कालीन राहत प्रदान गरे। पहिराले एक ट्रयाक्टर र एक मोटरसाइकल समेत बगाएको छ। रासस
