मोटरसाईकल चोरीमा संलग्न गिरोहलाई मोटरसाईकलसहित प्रहरीले पक्राउ गरेको छ। जिल्ला प्रहरी कार्यालय कैलालीले मंगलबार पत्रकार सम्मेलन गरि सार्वजनिक गरेको छ।
विशेष सूचनाको आधारमा सिविल टोलीले मोटरसाईकल चोरीमा संलग्न ३ जना र चोरीको मोटरसाईकल खरिद गर्ने १ जना गरि ४ जनालाई पक्राउ गरिएको जिल्ला प्रहरी कार्यालय कैलालीका प्रहरी उपरीक्षक राजेन्द्र विष्टले जानकारी दिए।
मोटरसाईकल धनीले दिएको उजुरी र सहयोगको आधारमा चोरिमा संलग्नहरुलाई पक्राउ गर्न प्रहरी सफल भएको प्रहरी उपरीक्षक विष्टले बताए।
मोटरसाईकल चोरी गर्नेहरूमा अत्तरिया नगरपालिका वार्ड नं. १३ वस्ने वर्ष १७ को मदन कँडेल, सोही ठाउँ बस्ने वर्ष १८ को उमेश बडैला र अत्तरिया नगरपालिका वडा नं. ४ वस्ने भवानी संग्रौला तथा चोरीको मोटरसाईकल खरिद गर्ने चौमाला गाविस वडा नं. ६ वस्ने वर्ष २३ को भीमबहादुर विश्वकर्मा रहेको प्रहरीले जानकारी दिएको छ।
बरामद भएको मोटरसाईकलमा पल्सर बाईक ५ थान र यामाहा १ थान रहेको प्रहरीले जनाएको छ।
सुनसान समयमा मौका छोरी मोटरसाईकल चोरी गर्ने र नम्बर प्लेट परिवर्तन गरि बेच्ने गरेको अनुसन्धानबाट खुल्न आएको प्रहरीले जानकारी दिएको छ।
