ताप्लेजुङको पाथीभरा मन्दिरको दर्शन गरेर फर्किदै गरेका तीर्थालु चढेको कार दुर्घटना हुँदा ८ जना घाइते भएका छन्।
तीर्थालु बोकेको को१च ८११२ नम्बरको स्कारपियो कार झापाको शनिअर्जुन नगरपालिका–८ कालीझोडामा अनियन्त्रित भई पल्टिँदा आठजना घाइते भएको झापाका प्रहरी नायब निरीक्षक सुनिलकुमार श्रेष्ठले जानकारी दिए। तीव्र गतिका कारण गाडी अनियन्त्रित भएर पल्टिएको प्रहरीले जनाएको छ।
घाइतेमध्ये सुनसरी निवासी ३० वर्षीया वसन्ती चौधरी र काठमाडौँ निवासी ५१ वर्षीया बिना भण्डारीको अवस्था गम्भीर रहेको बताइएको छ। त्यस्तै, मोरङको बेलबारी निवासी ३३ वर्षीय सञ्जु हुमागार्इं, सुनसरीको औरावनी निवासी ३४ वर्षीया एकादशीदेवी भगत, काठमाडौँ निवासी २६ वर्षीया विभा भण्डारी, सोही ठाउँ निवासी ४५ वर्षीया सविता निरौलालगायतका घाइते भएको प्रहरीले जनाएको छ।
घाइते सबैको बिर्तामोडस्थित बिएन्डसी मेडिकल कलेज एन्ड रिसर्च सेन्टर प्रालिमा उपचार भइरहेको छ। रासस
