कञ्चनपुरको देखतभुली–८ की ४८ वर्षीय पार्वतीदेवी देउवा मृत फेला परेकी छिन्। घरदेखि बेपत्ता भएको २० दिनपछि प्रहरीले गाउँ नजिकैको वन क्षेत्रबाट देउवाको शव फेला पारेको हो।
इलाका प्रहरी कार्यालय झलारीका अनुसार स्थानीयवासी गोठालाले कुहिएको अवस्थामा महिलाको शव देखेपछि प्रहरीलाई खबर गरेका थिए।
मानसिक सन्तुलन ठीक नभएकी ती एकल महिला चैत १४ गतेदेखि घरबाट बेपत्ता भएकी थिइन्। एक हप्ताअघि नै महिलाको मृत्यु भएको हुनसक्ने प्रहरीको अनुमान छ। रासस
