चितवनमा जन्ती बस दुर्घटना हुँदा १५ जना घाइते भएका छन्।
बालाजुबाट जन्ती बोकेर गोरखातर्फ जाँदै गरेको बस पृथ्वी राजमार्गअन्तर्गत दारेचोक गाविस–४, फिस्लिङमा शनिवार बिहान बा ३ ख ५३३० नम्बरको बस पल्टिएको हो।
इलाका प्रहरी कार्यालय मुग्लिनका निमित्त प्रमुख प्रहरी नायब निरीक्षक रामभक्त भट्टराईका अनुसार घाइतेमध्ये दुई जनालाई भरतपुरको चितवन मेडिकल कलेज र अन्यलाई काठमाडौँ पठाइएको छ।
तीमध्ये तीनजनाको अवस्था गम्भीर रहेको प्रहरीले जनाएको छ। तीव्रगतिमा आएकाले यसरी बस अनियन्त्रित भई दुर्घटना भएको प्रहरीको अनुमान छ। दुलाहा अर्काे गाडीमा भएकाले सकुशल रहेको प्रहरीले जनाएको छ। रासस
