चित्रवन नगरपालिकामा ट्याक्टरबाट खसेर एकजनाको मृत्यु भएको छ।
चित्रवन नगरपालिका–१४ स्थित हरिपुरमा शुक्रवार ना २ त ८६८८ नम्बरको ट्याक्टरको पछाडि झुन्डिएका स्थानीयवासी ३५ वर्षका नेतबहादुर नेपालीको खसेर मृत्यु भएको हो।
मदिरा सेवन गरेर चालकलाई थाहा नै नदिई पछाडि ढालामा झुन्डिएका बेला खसेर नेपालीको ज्यान गएको बताइन्छ। उनको घटनास्थलमै ज्यान गएको हो। चालकलाई नियन्त्रणमा लिइएको प्रहरीले जनाएको छ। रासस
