नेपाली कांग्रेसको संसदीय दलको नेता चयनका लागि उम्मेदवारी दर्ता हुँदैछ। संसदीय दलको नेताका लागि उम्मेदवारी दर्ताका लागि मंगलबार विहान ९ बजेदेखि मध्यान्ह १२ बजेसम्मको सयम निर्धारण गरिएको निर्वाचन समितिका संयोजक रमेश रिजालले जानकारी दिए।
निर्वाचन समितिका अनुसार उम्मेदवारको पहिलो चरणको नामावली प्रकाशन मध्यान्ह साढे १२ गरिनेछ। यस्तै उम्मेदवारको दरखास्त उपर दावी विरोधका लागि १२.३० देखि १.०० बजेसम्मको समय निर्धारण गरिएको छ भने उम्मेदवारको दोस्रो नामावली प्रकाशन दिउँसो १.३० बजे गरिनेछ। दलको नेताको उम्मेदवारको अन्तिम नामावली प्रकाशन दिउँसो २ बजे गरिने रिजालले बताए।
अन्तिम नामावली प्रकाशनपछि बुधबार बिहान ११ बजेदेखि अपरान्ह २ बजेसम्म संसदीय दलको कार्यालय सिंहदरबारमा मतदान हुने छ। यसपटक संसदीय दलको नेताको निर्वाचन विद्युतीय माध्यमबाट गरिने छ।
तत्कालीन सभापति एवं दलका नेता सुशील कोइरालाको निधन भएपछि रिक्त रहेको दलको नेता चयनका लागि निर्वाचन हुन लागेको हो। संसदीय दलको नेताका लागि सभापति शेरवहादुर देउवा र बरिष्ठ नेता रामचन्द्र पौडेलले प्रतिस्पर्धा गर्दैछन्।
दोस्रो संविधानसभा निर्वाचन लगत्तै २०७० माघमा भएको दलको नेताको चुनावमा कोइरालासँग १६ मत अन्तरले पराजित भएका थिए। संसदीय दलको कार्यसमितिको निर्वाचन भने २६ गते हुनेछ।
