भक्तपुर नगरकोट नगरपालिका–१२ पिपलबोट सल्लाघारीमा आज शङ्कास्पद अवस्थामा एक पुरुषको शव फेला परेको छ ।
रुखको हाँगामा झुन्डिएको अवस्थामा खोटाङ जिल्ला घर भई हाल काठमाडौँको मखन प्लाजामा सेल्सम्यानको काम गर्दै आएका २८ वर्षीय हरिप्रसाद घिमिरेको शव भेटिएको महानगरीय प्रहरी परिसर भक्तपुरका प्रहरी उपरीक्षक किरण वज्राचार्यले जानकारी दिइन ।
घटनास्थल नजिकै बा६८प ७२५२ नंको मोटरसाइकल पनि भेटिएको छ । शव परीक्षणका लागि शिक्षण अस्पताल महाराजगन्ज लगिएको जनाइएको छ । रासस
