उपत्यकामा हाेलीकाे राैनक (फाेटाे फिचर)

भरतबन्धु थापा

आपसमा रंग दलेर तथा पानी छ्यापाछाप गरेर उपत्यकावासीले मंगलबार हर्षोल्लासपूर्वक होली पर्व मनाएका छन्। होलीमा सरकारले सार्वजनिक विदा दिएका कारण काठमाडौ उपत्यकाका सडक र चोकहरु होलीमय भएका हुन्। रंगहरुको पर्व होलीमा खासगरी बालबालिका र युवायुवतीहरु बढी रमाएका छन्। उनीहरुले समूह समूह बनाएर होली खेलेका छन्। होलीलाई सद्भाव र आत्मीयता साट्ने पर्व समेत मानिने भएका कारण बालबालिका तथा युवायुवतीहरुले समूह समूह बनाएर आपसमा रंग दली तथा पानी छ्यापाछ्याप गरी होली मनाएका हुन्।

होलीमा रंगका साथै पानीको प्रयोग उल्लेख्य मात्रामा भएको छ। होलीका अवसरमा काठमाडौ उपत्यकाका विभिन्न स्थानमा सांस्कृतिक कार्यक्रम समेत गरिएका छन्। ती कार्यक्रममा बाक्लो संख्यामा उपस्थित सर्वसाधारणहरु आपसमा रंग दल्दै नाचगानमा रमाएका छन्।

फागुन शुक्ल अष्टमीको दिन काठमाडौको वसन्तपुर दरबार अगाडि विशेषरुपले चीर गाडेर सुरु भएको होली फागु पूर्णिमाको राति चीर ढालेपछि समाप्त भएको मानिन्छ ।